ኣነ መን እየ?

ሲሃም ይበሃል መስራቲ ሲሃም ኣካዳሚ።

ዝበለጸ ሂወት ኣለንን ንኔሩን ኢለ ክጸልወኩም ኣይኮንኩን ኣብዚ ዘለኹ። እንታይ ደኣ ተስፋ ምቑራጽ ምቅባል ምስ ኣበኻ - ብልብን ዕላማን ብትብዓትን ክትነብር ምስ እትመርጽ እንታይ ከም ዝኸውን ሂወትካ ንምርኣይ እየ ኣብዚ ዘለኹ።

ጉዕዞይ ኣብ ሽወደን ኣይጀመረን- መደብ ናይ መጻኢ እውን ኣይነበረን።

ኣብ ኤርትራ ተወሊደ፡ ዓቅሚ ኣዳም ምስ በጻሕኩ ድማ ናብ ሱዳን ስግረ ዶብ ጌረ ከይደ ኣብ ሱዳን ውን ተቐሚጠ፡ ሎሚ ድማ ኣብ ሽወደን ይነብር ኣለኹ ።

መንገደይ ፈጺሙ ትኽ ዝበለ ኣይነበረን፣

ሓዘንን ምፍልላይን ሕፍረትን ምድንጋርን ኣጋጢሙኒ እዩ-። ኣብ ገለ ቦታ ግን ምርጫ ገይረ፤

ኣብ ሂወት ክድሕን ጥራይ ዘይኮንኩ ክነብር መሪጸ።

ኣብ 2020 ንውሽጠይ ጉዕዞይ ጀሚረ።

ኣብ ውሽጠይ ድማ ካብ ደገ ዓለም ክረኽቦ ዘይከኣልኩ ረኺበ፤

ሰላም። ንጹርነት። ርእሰ-ፍቕሪ፣ ርእሰ ምትእምማን፣ ሓልዮት፣ ሓይሊ 

ካብዚ ተበጊሰ ድማ ዕላማ ናይ ሂወተይ ተወሊዱ፤ ንኻልኦት ውን ልክዕ ከምቲ ኣነ ዝረኸብኩዎ ክረኽብ ክሕግዝ ጀሚረ፡፡

ሎሚ ዝገብሮ፣

 ሎሚ ኣሰልጣኒት ኣእምሮ፡ ኣማኻሪት፡ መምህር ቁርኣን ናይ ህጻናት እየ።

ንዓበይትን ንህጻናትን ውሽጣዊ ሰላሞም ንኽረኽቡ እሕግዞም፣

ርእሰ-ምትእምማን ይሃንጹ፣ ብናይ ሕብረተሰብ ቅዲ ኣነባብራ ዘይኮነ ብናቶም ቅዲ ክነብሩ ድማ ይሕግዞም ።

ስለምንታይ እየ ከምዚ ዝገብር?

ምኽንያቱ ኣብ ሂወት ኣንፈትካ ምጥፋእ ከመይ ከም ዝመስል ስለ ዝፈልጥ።

ዕላማ ናይ ሂወት ምርካብ ድማ ክሳብ ክንደይ ሓይሊ ከም ዘለዎ ስለ ዝፈልጦ።

ዕላማኻ ድማ ኣብ ደገ ዘይኮነስ ኣብ ውሽጥኻ እዩ። 

ሲሃም ኣካዳሚ ንዓለም ህያበይ እዩ።

ከምኡ ውን ገዛ ንነብሲ ክትምዕብል ትደሊ። 

እንቋዕ ብደሓን መጻእካ- ብኣጋጣሚ ኣይኮንካን ኣብዚ ዘለኻ።

ሕጂ ተራኻ እዩ። 💛